పొగ తాగడం ఆరోగ్యానికి హానికరం.. అంటూ ఎన్నో ప్రచారాలు జరుగుతూనే ఉంటాయి. కానీ సిగరెట్ బాగా అలవాటు అయిన వారికి ఇది చాలా కష్టం.. సిగరెట్ తాగడం మానేయాలని ఉన్నా.. అది కుదరని పని..ఎందకంటే ఒకసారి ఈ వ్యసనానికి బానిస అయితే.. మానడం చాలా కష్టం..
పొగతాగడం, పీల్చడం వల్ల ఎన్నో ఆరోగ్య సమస్యలు వస్తాయి.. క్యాన్సర్, ఊపిరితిత్తుల క్యాన్సర్, గుండె జబ్బులు ఇలా చెప్పుకుంటూ పోతే ఎన్నో ఉన్నాయి. పొగతాగడం వల్ల ఈ పొగ మెల్లగా శరీరంలోని ఒక్కో అవయవాన్ని దెబ్బ తీస్తుంటుంది.
అయితే తాము తయారు చేసే సిగరెట్ తాగితే ఎన్నో ఆరోగ్య ప్రయోజనాలు అందుతాయి అంటోంది ఓ ఆయుర్వేద సంస్థ. పుణెకు చెందిన అనంత్ వేద ఆయుర్వేద సంస్థ పదేళ్ల క్రితం తయారు చేసిన ఆయుర్వేదిక్ సిగరెట్ కు ఇప్పుడు ఇండియన్ పేటెంట్ హక్కులు లభించాయి. ధూమపానానికి అలవాటు పడిన వారికి ఈ సిగరెట్ ఓ వరం లాటిందని ఇన్ స్టిట్యూట్ డైరెక్టర్ డాక్టర్ రాజాస్ నిత్సూరే తెలిపారు. నికోటిన్, కార్బన్ దుష్ప్రభావాలను తమ ఆయుర్వేద సిగరెట్ ద్వారా నివారించవచ్చని పేర్కొన్నారు. ఈ సిగరెట్ లో పొగాకు ఉండదని, అందులో తులసి, దాల్చిన చెక్క, లవంగాలు వంటివి వాడతారని ఆయన వెల్లడించారు.