కరోనా కారణంగా ప్రతి ఒక్కరూ శానిటైజర్లను విరివిగా వాడుతున్నారు. అయితే శానిటైజర్ విషయంలో జాగ్రత్తలు తీసుకోవాలని నిపుణులు సూచిస్తునే ఉన్నారు. అలాంటి శానిటైజర్ ఓ మహిళ ప్రాణాల మీదకు తెచ్చింది. ప్రమాదవశాత్తు శానిటైజర్ బాటిల్ పేలడంతో ఆమె శరీరం మొత్తం కాలి ముఖానికి, కాలికి తీవ్ర గాయాలయ్యాయి. ఈ ఘటన కొన్ని రోజుల క్రితం అమెరికాలోని టెక్సాస్ లో జరిగింది.
కరోనా వైరస్ కారణంగా కేట్ వైడ్ అనే మహిళా ప్రతి రోజూ శానిటైజర్ రాసుకునేది. ప్రతి రోజూలానే ఆ రోజూ కూడా ఆమె చేతులకు శానిటైజర్ రాసుకుంది. ఇక ఆ తర్వాత కొవ్వొత్తి వెలిగించేందుకు అగ్గిపుల్ల గీసింది. ఆ వెంటనే ఆమె చేతికి మంటలు అంటుకున్నాయి. దీంతో ఆమె భయపడి వెంటనే వెనక్కి దూకింది. వెనుక వైపు శానిటైజర్ బాటిల్ ఉంది. ఆమె ఆ బాటిల్ పై పడటంతో ఆమె చేతికి ఉన్న మంటలు శానిటైజర్ బాటిల్ కు అంటుకున్నాయి. దీంతో ఆ శానిటైజర్ బాటిల్ బాంబులా పేలింది.
మంటలు ఎగిసిపడటంతో ఆమె ముఖం, చేతులు, కాళ్లకు తీవ్ర గాయాలయ్యాయి. ఈ ఘటన జరిగిన వెంటనే ఇంట్లోనే ఉన్న కేట్ కూతుళ్లు ఆమెను సమీపంలోని ఆస్పత్రికి తరలించారు. వైద్యులు చికిత్స అందించారు. ప్రస్తుతం ఆమె పరిస్థితి నిలకడగా ఉన్నట్లు వైద్యులు తెలిపారు. ప్రతి ఒక్కరూ శానిటైజర్ వాడేటప్పుడు జాగ్రత్తగా ఉండాలని వైద్యులు సూచించారు.
Coming up at 6– Hear from a #RoundRock woman near #Austin as she recovers in the ICU. Kate says the hand sanitizer she had put on caught fire while trying to light a candle. It left her with severe burns. #KHOU11 pic.twitter.com/BknOZEta1E
— David Gonzalez (@DavidGonzKHOU) September 3, 2020