ఏదైనా సాధించాలంటే లక్ష్యం ఒక్కటే ఉంటే సరిపోదు.. అందుకు తగ్గ పట్టుదల, సాధించాలన్న కసి ఉండాలి. జీవితంలో ఎదురయ్యే కష్టాలను సైతం మన విజయానికి వారధిగా వాడుకోవాలి.. ప్రస్తుతం సోషల్ మీడియాలో ఓ సెక్యూరిటీ గార్డు ఫొటో వైరల్ అవుతోంది. ఓ వ్యక్తి ఏటీఎమ్ సెంటర్ లో సెక్యూరిటీ గార్డుగా పనిచేస్తున్నాడు.
తన చదువుకు, అర్హతకు సరిపోని ఉద్యోగం అది.. అయితే తన చదువుకు, అర్హతకు సరిపోయే మంచి ఉద్యోగం సాధించాలనుకున్నాడు. ఓ వైపు సెక్యూరిటీ గార్డుగా పనిచేస్తూనే, మరో వైపు పోటీ పరీక్షలకు ప్రిపేర్ అవుతున్నాడు. ఏటీఎమ్ సెంటర్ లో పుస్తకం పట్టుకొని చదువుకుంటున్న ఆ సెక్యూరిటీ గార్డు ఫొటో సోషల్ మీడియాలో తెగ వైరల్ అవుతోంది.
ఛత్తీస్ గఢ్ క్యాడర్ కు చెందిన అవనిష్ శరన్ అనే ఐఎఎస్ అధికారి తన ట్విట్టర్ ఖాతాలో ఈ ఫొటోను పోస్ట్ చేశారు. ఎక్కడైనా జ్వాల ఉంటుంది.. కానీ దానిని వెలిగించడానికి మాత్రమే ఉపయోగించాలి అంటూ క్యాప్షన్ కూడా జోడించారు. తన కలలను సాకారం చేసుకునేందుకు సెక్యూరిటీ గార్డు చేస్తున్న కృషి నెటిజన్లు సెల్యూట్ చేస్తున్నారు.
हो कहीं भी आग, लेकिन आग जलनी चाहिए.
(साभार) pic.twitter.com/auLrv7GIso
— Awanish Sharan (@AwanishSharan) April 6, 2021