కరోనా మహమ్మారిని ఎదుర్కొనేందుకు ప్రపంచ వ్యాప్తంగా వ్యాక్సినేషన్ కార్యక్రమం ముమ్మరంగా సాగుతోంది. 18 ఏళ్లు పైబడిన వారందరికీ వ్యాక్సిన్ వేస్తున్నారు. త్వరలో చిన్ని పిల్లలకు, టీనేజ్ పిల్లలకు కూడా వ్యాక్సిన్ వేసేందుకు ఇప్పటికే వ్యాక్సిన్ ట్రయల్స్ జరుగుతున్నాయి. ఈ ట్రయల్స్ పూర్తయితే త్వరలోనే పిల్లలకు, టీనేజర్స్ కు వ్యాక్సిన్ అందుబాటులోకి వస్తుంది.
ఈనేపథ్యంలో యునైటెడ్ కింగ్ డమ్ సైంటిస్టులు సంచలన ప్రకటన చేశారు. పిల్లలకు వ్యాక్సినేషన్ విషయలో తొందరపాటు వద్దని సూచించారు. యూకేలో 12-17 ఏళ్ల పిల్లలకు వ్యాక్సిన్ వేయడం లేదని, ప్రపంచ దేశాలు కూడా ఆచితూచి స్పందంచాలని సూచిస్తోంది. ఆ వయస్సు పిల్లల్లో ఎవరైనా దీర్ఘకాలిక వ్యాధులతో బాధపడుతుంటే అలాంటి వారికి వ్యాక్సిన్ ఇవ్వాలని తెలిపారు. క్యాన్సర్, డయాబెటీస్ వంటి రోగాలతో బాధపడుతున్న టీనేజర్లకు మాత్రమే టీకా ఇవ్వాలని సూచించారు. ఆరోగ్యవంతులైన వారికి ఈ టీకా అవసరం లేదని స్పష్టం చేశారు.
కాగా కొన్ని దేశాలు చిన్న పిల్లలకు కూడా వ్యాక్సిన్ ఇస్తున్నాయి. వారి ఆరోగ్య పరిస్థితి సంబంధం లేకుండా వ్యాక్సిన్ ఇస్తున్నారు. ఈ అంశంలో పునరాలోచించుకోవాలని యూకే నిపుణులు సూచిస్తున్నారు. రోగనిరోధక శక్తి ఉండి కరోనాను ఎదుర్కోగల శక్తి ఉన్న వారికి వ్యాక్సిన్ అవసరం లేదని చెబుతున్నారు. అలాగే ఒకసారి కోవిడ్ వచ్చి రికవరీ అయిన వారికి కూడా వ్యాక్సిన్ అవసరం లేదని పేర్కొంటున్నారు.