తెలంగాణ సీఎం కేసీఆర్ బుధవారం 68వ పుట్టిన రోజును జరుపుకుంటున్నారు. ఆయన పుట్టిన రోజును పురస్కరించుకుని ఎమ్మెల్సీ కవిత, మంత్రి తలసాని శ్రీనివాస్ యాదవ్ బల్కంపేట ఎల్లమ్మకు బంగారు చీర సమర్పించారు. దాతల సహకారంతో రెండున్నర కిలోల బంగారంతో ఈ చీరను తయారు చేయించారు.
బుధవారం ఉదయం ఎల్లమ్మ అమ్మవారికి పంచామృతాలతో ప్రత్యేక అభిషేకం, తొమ్మిది గంటలకు మృత్యుంజయ హోమం, ఆయుష్సు హోమం నిర్వహించారు. అన్నప్రసాద కార్యక్రమం చేపట్టారు. ఉజ్జయినీ మహంకాళి, సికింద్రబాద్ గణేష్ ఆలయాల్లో ప్రత్యేక పూజలు నిర్వహించనున్నారు.