పానీపూరి ప్రియులకు ఇది నిస్సందేహంగా శుభవార్తే.. కరోనా కాలంలో చాలా మంది పానీ పూరిని బాగా మిస్సాయ్యారు. అసలు పిల్లల నుంచి పెద్దల వరకు..ఇక అమ్మాయిలు అయితే ఎంత ఇష్టంగా తింటారో చెప్పనవసరం లేదు. ఇక పానీపూరీ ప్రియులకు మన దేశంలో ఓ వ్యక్తి Pani Puri ATM మెషీన్ ను సృష్టించాడు. ఇది అచ్చం బ్యాంకు ఏటీఎంల మాదిరిగానే ఉంటుంది.
ఈ Pani Puri ATMలో గోల్ గప్పా, పుచ్ కా, బటాషా ఇల రకరకాల పేర్లతో పిలిచే పానీ పూరీలు వస్తాయి. కేవలం 20 రూపాయల నోటు ఇందులో వేస్తే చాలు..14 గప్ చుప్ లు వస్తాయట. ఈ Pani Puri ATM యొక్క వీడియోను హార్ది సింగ్ అనే పోలీస్ అధికారి సోషల్ మీడియాలో పంచుకున్నారు. ఇది నిజమైన ఇండియన్ యొక్క చాతుర్యత అంటూ పేర్కొంటూ ట్విట్టర్ ద్వారా పోస్ట్ చేశారు. ఇక అంతే ఈ వీడియో బాగా వైరల్ అవుతుంది.
ఈ వీడియోలో ఓ వ్యక్తి Pani Puri ATM ఎలా పని చేస్తుందో వివరణ ఇస్తున్నాడు. ఈ యంత్రాన్ని తయారు చేయడానికి ఆరు నెలల సమయం పట్టిందని ఆ వ్యక్తి చెప్పాడు. Pani Puri ATM నుంచి గోల్ గప్పే ఎలా వస్తాయో చూపించాడు.