ఏపీలో కరోనా కేసులు పెరుగుతున్న నేపథ్యంలో కరోనా కట్టడికి రాష్ట్ర ప్రభుత్వం కీలక నిర్ణయం తీసుకుంది. శనివారం నుంచి నైట్ కర్ఫ్యూ అమలు చేస్తూ ఆదేశాలు జారీ చేసింది. కర్ఫ్యూ రాత్రి 10 గంటల నుంచి ఉదయం 5 గంటల వరకు అమలులో ఉంటుందని ప్రభుత్వం పేర్కొంది. అలాగే అత్యవసర సేవలు, రవాణాకు అనుమతి ఉంటుందని స్పష్టం చేసింది.
ఏపీలో 18 ఏళ్లు పైబడిన వారికి ఉచితంగా వ్యాక్సిన్ ఇచ్చేందుకు ప్రభుత్వం ముందుకు వచ్చింది. మే 1 నుంచి దేశవ్యాప్తంగా 18 ఏళ్లు పైబడిన వారికి వ్యాక్సిన్ ఇవ్వనున్న సంగతి తెలిసిందే.. ఈనేపథ్యంలో సీఎం జగన్ ప్రభుత్వ ఖర్చుతోనే ప్రజలకు వ్యాక్సిన్ ఇవ్వాలని నిర్ణయించారు. రాష్ట్రంలో 18-45 ఏళ్ల మధ్య వారందరికీ ఏపీ ప్రభుత్వం ఉచితంగా వ్యాక్సిన్ ఇవ్వనుంది.