కేరళలో జరిగిన రాష్ట్ర స్థాయి రామాయణ క్విజ్ పోటీల్లో ఇద్దరు ముస్లిం విద్యార్థులు విజేతలుగా నిలిచారు. వాలాన్ చేరిలోని KKHM ఇస్లామిక్ అండ్ ఆర్ట్స్ కాలేజీ విద్యార్థులు మహ్మద్ బాసిత్, మహ్మద్ జాబిర్ ఆ పోటీలో విజేతులగా నిలిచి అందరిని ఆశ్చర్యానికి గురిచేశారు. రామాయణంలో లోతైన అధ్యయనం ఆధారంగా జూలై 23 నుండి జూలై 25 మధ్య కేరళ ప్రచురణ సంస్థ DC బుక్స్ ఆన్‌లైన్ క్విజ్ నిర్వహించింది. జాబీర్ మరియు బాసిత్ తమ చదువులో భాగంగా రామాయణం చదివి అర్థం చేసుకున్నారు. నవనీత్ గోపన్, అభిరామ్ MP మరియు గీతు కృష్ణన్ కూడా విజేతలుగా నిలిచారు.
అన్ని మతాలు మానవాళి శాంతియుతంగా జీవించడం కోసమే రూపొందించబ్బాయని వేదాంతశాస్త్రంలో సీనియర్ విద్యార్థి అయిన జాబీర్ తెలిపాడు. మతం శాంతియుత జీవనం కోసం ఉద్దేశించబడిందని, వాటి చుట్టూ ఉన్న అన్ని ఇతర ఉద్రిక్తతలు మానవ నిర్మితమైనవని చెప్పాడు. “రామాయణం రాముడిని ఆదర్శవంతమైన రాజుగా చూపిస్తుంది. దేశంలో మెరుగైన పాలన, న్యాయం, ధర్మం మరియు విధులను ఎలా అమలు చేయవచ్చో చూపిస్తుంది. ఇది ప్రపంచంలోనే ఆదర్శంగా జరగాలి. పవిత్ర గ్రంథంలో ద్వేషం ప్రస్తావన లేదు. ఏ మతమూ ద్వేషాన్ని ప్రోత్సహించదు” అని జబీర్ తెలిపారు.
‘చదువులో భాగంగా విద్యార్థులు అన్ని మతాల గురించి తెలుసుకుంటారు. మా లైబ్రరీలో అన్ని మతపరమైన పవిత్ర పుస్తకాలు, వాటిపై ఇతర లోతైన అధ్యయనాలు ఉన్నాయి. ముస్లిం రచయితల రచన ద్వారా అన్ని మతపరమైన పుస్తకాలను నేర్చుకోవడానికి మాకు అవకాశం ఉంది. దానికి సూచనగా, ఇతర మతపరమైన పవిత్ర పుస్తకాలు ప్రస్తావించబడ్డాయి. కాబట్టి మనం ఆ పుస్తకాలను నేరుగా చదివి అర్థం చేసుకోవచ్చు. మనలో చాలా మంది వాటిని నేరుగా చదవడం మరియు అర్థం చేసుకోవడం ద్వారా నేర్చుకుంటారు” అని చెప్పాడు.
‘వాఫీ విద్యార్థులు ఇస్లామిక్ అధ్యయనాలతో పాటు వారి సాధారణ అధ్యయనాలను కొనసాగిస్తారు. మేము యూనివర్సిటీ ఆమోదించిన డిగ్రీని కలిగి ఉంటే మాత్రమే ఈ కోర్సుకు సర్టిఫికేట్ పొందుతాము. అంతే కాకుండా మిగతా అన్ని మతాలు, సంస్కృతుల గురించి తెలుసుకోవాలి. మన దేశాన్ని విశాల దృక్పథంతో తెలుసుకోవడం, మంచి పౌరులుగా మారడం మాకు నేర్పిస్తారు’ అని జాబీర్ చెప్పుకొచ్చాడు.