ప్రధాని మోడీని మక్కల్ నీది మయ్యమ్(ఎంఎన్ఎం) అధ్యక్షుడు, నటుడు కమల్ హసన్ సూటీ ప్రశ్నలు వేశారు. దేశంలో సగం జనాభా ఆకలితో అల్లాడుతుంటే.. ఈ సమయంలో కొత్తగా మరో పార్లమెంట్ అవసరమా అని ప్రశ్నించారు. కరోనాతో దేశం ఆర్థిక ఇబ్బందులు ఎదుర్కొంటున్న సమయంలో రూ.1000 కోట్లతో పార్లమెంట్ భవనం నిర్మించడం ఎందుకని మండిపడ్డాడు.
కరోనా వైరస్ కారణంగా దేశంలోని సగం మంది జీవనోపాధి కోల్పోయి ఆకలితో అలమటిస్తున్నారని, ఈ సమయంలో రూ.1000 కోట్లతో కొత్త పార్లమెంట్ భవనం రూపకల్పన చేయాల్సిన అవసరం ఏమొచ్చిందని ప్రశ్నించారు. చైనా గోడ కట్టడానికి వేలాది మంది ప్రాణాలు కోల్పోతే, ప్రజల రక్షణ కోసమే ఈ నిర్మాణం చేపట్టామని పాలకులు అన్నారని, మీ ధోరణి కూడా అలానే ఉందని విమర్శించారు. ఎవరిని రక్షించేందుకు రూ.1000 కోట్లు ఖర్చుచేస్తున్నారని, తన ప్రశ్నలకు సమాధానం ఇవ్వాలని మోడీని ప్రశ్నించారు.