దేశవ్యాప్తంగా కరోనా సెకండ్ వేవ్ కేసులు భారీగా నమోదవుతున్నాయి. మొదటి దశతో పోల్చుకుంటే రెండో దశలో కేసులతో పాటు మరణాల సంఖ్య కూడా గణనీయంగా పెరిగింది. దీంతో ప్రజలు ఆందోళన చెందుతున్నారు. దేశంలో థర్డ్ వేవ్ కూడా వచ్చే అవకాశాలు ఉన్నాయయని, ఈ దశలో చిన్న పిల్లలు వైరస్ బారిన పడే ప్రమాదం ఉందని వైద్య నిపునులు హెచ్చరిస్తున్నారు. తల్లిదండ్రులు జాగ్రత్తలు తీసుకోవాలని సూచిస్తున్నారు.
లక్షణాలు గుర్తు పట్టడం ఎలా?
- పెద్దల్లో అయితే దగ్గు, జలుబు, ఆయాసం కొన్సి సందర్భాల్లో గుండె పోటు, పక్షపాతం వంటి లక్షనాలు ఉంటాయి. పిల్లల్లో అయితే ఎక్కువగా వాంతులు, విరేచనాలు, జీర్ణవ్యవస్థకు సంబంధించిన సమస్యలు కనిపిస్తాయి.
- పిల్లల్లో వాంతులు, విరేచనాలు, జ్వరం దగ్గు, జలుబు, కడుపునొప్పి మూడు రోజుల కంటే ఎక్కువ ఉన్నప్పుడు, ఆక్సిజన్ స్థాయి 94 కంటే తక్కువగా ఉన్నప్పుడు వెంటనే వైద్యులను సంప్రదించాలి.
- కళ్లు ఎర్రగా మారడం, ఒళ్లంతా దద్దుర్లు, దగ్గు తగ్గకపోవడం, రోజంతా వాంతులు, నీరసంగా ఉండటం, పాలు సరిగా తాగకపోవడం వంటి లక్షణాలు ఉంటే వెంటనే డాక్టర్ ను సంప్రదించి సరైన చికిత్స తీసుకోవాలి.
- ఇక పిల్లల్లో లక్షణాలు ఉండి పరీక్షల్లో నెగిటివ్ ఉంటే రక్త పరీక్షల ద్వారా తెలుసుకోవచ్చు. సీబీపీ, సీఆర్పీలో ఏమైనా తేడాలు ఉంటే, వైరస్ వస్తే మనకు తెలిసిపోతుంది.
తీసుకోవాల్సిన జాగ్రత్తలు:
- కరోనా సోకకుండా ఉండాలంటే ఇంట్లోనే ఉండి అవసరమైనప్పుడు మాత్రమే బయటకు వెళ్లాలి.
- పిల్లలను ఇంకా కొన్ని రోజుల వరకు ముఖ్యంగా వ్యాక్సిన్ అందరికీ అందుబాటులోకి వచ్చేదాకా బయట తిరగనీయకూడదు. బయటికి వెళ్తే మాస్కులు తప్పకుండా పెట్టాలి.
- చేతులను శుభ్రంగా శానిటైజ్ చేసుకోవడంతో పాటు వ్యక్తిగత పరిశుభ్రత కూడా పాటించే విధంగా చూడాలి..