తన ప్రియుడి సంతోషం కోసం ఓ నర్సు నీచమైన పని చేసింది. ఇతర మహిళలు స్నానం చేస్తున్నప్పుడు తీసిన వీడియోలను ప్రియుడికి పంపింది. ఈ ఘటన బెంగళూరు వైట్ ఫీల్డ్ లోని ఓ ప్రైవేట్ ఆస్పత్రిలో వెలుగుచూసింది. వివరాల మేరకు బెంగళూరులోని ఓ ప్రైవేట్ ఆస్పత్రిలో అశ్వని అనే మహిళ నర్సుగా పనిచేస్తోంది.
ఆమె ప్రభు(31) అనే వ్యక్తిని ప్రేమిస్తుంది. అశ్వని ఓ హాస్టల్ లో ఉంటోంది. ఆమె తన ప్రియుడి సంతోషం కోసం అదే హాస్టల్ లో ఉన్న బాత్ రూంలో కెమెరాను పెట్టింది. హాస్టల్ ఉన్న మహిళలు స్నానం చేస్తున్నప్పుడు వీడియోలు తీసి ప్రియుడికి పంపించేది. ఈక్రమంలో స్నానానికి వెళ్లిన ఓ మహిళ బాత్ రూంలో రహస్యంగా ఉంచిన మొబైల్ ను గుర్తించింది.
ఆ మొబైల్ ఫోన్ ను పరిశీలించగా వీడియో రికార్డు అవుతోంది. వెంటనే ఆ ఫోన్ ఓపెన్ చేసి చూడగా, మరికొందరి వీడియోలు కనిపించాయి. దీంతో షాక్ కు గురైంది. వెంటనే హాస్టల్ మేనేజర్ కు సమాచారం అందించింది. తర్వాత పోలీసులకు ఫిర్యాదు చేసింది. పోలీసులు కేసు నమోదు చేసుకుని నర్సును, ఆమె ప్రియుడిని అరెస్టు చేశారు.