భారతదేశ చరిత్రలో మొట్టమొదటి సారిగా కేంద్ర ప్రభుత్వం బడ్జెట్ ప్రతులను ముద్రించలేదు. కరోనా కారణంగా ఈసారి డిజిటల్ బడ్జెట్ కు కేంద్ర ప్రభుత్వం పరిమితమైంది. కాగా ఫిబ్రవరి 1న కేంద్ర ఆర్థిక మంత్రి నిర్మాలా సీతారామన్ 2021-22 ఆర్థిక సంవత్సరానికి బడ్జెట్ ను ప్రవేశపెట్టనున్నారు.
ఈ బడ్జెట్ కోసం కేంద్ర ప్రభుత్వం ప్రత్యేకంగా ఓ యాప్ ను తీసుకొచ్చింది. యూనియన్ బడ్జెట్(Union Budget App) పేరుతో ఓ ఆండ్రాయిడ్, ఐఓఎస్ యాప్ ను రూపొందించింది. ఈ యాప్ ను గూగుల్ ప్లేస్టోర్, యాప్ స్టోర్ నుంచి డౌన్ లోడ్ చేసుకోవచ్చు. నేషనల్ ఇన్ఫర్మేటిక్స్ సెంటర్ ఈ యాప్ ను అభివృద్ధి చేసింది. ఈసారి పార్లమెంట్ లోని ఎంపీలకు కూడా ఈ బడ్జెట్ కు సంబంధించి డిజిటల్ కాపీలనే అందించనున్నారు. ఈ యాప్ లో హిందీ, ఇంగ్లీష్ భాషల్లో బడ్జెట్ అందుబాటులో ఉంటుంది.