కరెక్ట్ గా డ్యూటీ చేసినందుకు ఓ పారిశుధ్య కార్మికుడిని ఉద్యోగం నుంచి తొలగించారు. ఈ ఘటన ఉత్తరప్రదేశ్ లో జరిగింది. అసలేం జరిగిందంటే.. మధురలోని గెనెరల్ గంజ్ లో రోడ్డుపై ప్రధాని మోడీ, యూపీ సీఎం యోగి ఆదిత్యనాథ్ ఫొటోలు పడి ఉన్నాయి. చెత్తను సేకరించే కార్మికుడు ఆ ఫొటోలను తీసి చెత్త బండిలో వేసుకుని వెళ్లిపోయాడు..
చెత్త బండిలో యోగి ఫొటో చూసిన స్థానికులు దీన్ని వీడియో తీశారు. ఆ వీడియో సోషల్ మీడియాలో వైరల్ అయ్యింది. దీంతో నిర్లక్ష్యంగా వ్యవహరిస్తున్నాడని ఆ కార్మికుడిని అధికారులు ఉద్యోగంలో నుంచి తీసేశారు. బాబీ అనే ఒప్పంద పారిశుధ్య కార్మికుడు నిర్లక్ష్యంగా ఉన్న కారణంగా అతడిని వెంటనే విధుల్లో నుంచి తొలగిస్తున్నట్లు అడిషనల్ మున్సిపల్ కమిషనర్ వెల్లడించారు.
అయితే ఈ వ్యవహారంలో తన తప్పు లేదని పారిశుధ్య కార్మికుడు ఆవేదన వ్యక్తం చేశాడు. ఆ ఫొటోలు రోడ్డుపైన పడి ఉంటే అది తన తప్పు ఎలా అవుతుందని వాపోయాడు. తనను ఉద్యోగంలో నుంచి తీసే ముందు అసలేం జరిగిందో విచారించాలని, అది నిజంగా తన తప్పు అయితే అప్పుడు నిర్ణయం తీసుకోవాలని ఆ కార్మికుడు అసహనం వ్యక్తం చేశాడు.
A contractual worker at UP’s Mathura Nagar Nigam was terminated after he was found carrying pictures of PM Narendra Modi and CM Yogi Adityanath among other dignitaries in his hand held garbage cart. pic.twitter.com/Jg2x3LW3Mk
— Piyush Rai (@Benarasiyaa) July 17, 2022