తెలంగాణ రాష్ట్రంలో లాక్ డౌన్ ను పూర్తిగా ఎత్తివేస్తూ కేబినెట్ నిర్ణయం తీసుకుంది. లాక్ డౌన్ లో విధించిన అన్ని నిబంధనలు ఎత్తివేస్తూ కేబినెట్ నిర్ణయం తీసుకుంది. శనివారం ప్రగతి భవన్ లో సీఎం కేసీఆర్ అధ్యక్షతన కేబినెట్ సమావేశం జరిగింది.
ఈ సమావేశంలో లాక్ డౌన్ పై ఎత్తివేతపై నిర్ణయం తీసుకున్నారు. రాష్ట్రంలో కరోనా కేసుల సంఖ్య, పాజిటివిటీ రేటు గణనీయంగా తగ్గిందని, కరోనా పూర్తి నియంత్రణలోకి వచ్చిందని, వైద్య శాఖ అధికారులు అందించిన నివేదికలను పరిశీలించిన కేబినెట్ ఈ మేరకు లాక్ డౌన్ ను ఎత్తివేయాలని నిర్ణయించింది.