చనిపోయిన కుక్కకు విగ్రహం.. ఐదేళ్లుగా వర్థంతి..!

22
Bronze Statue for Dog

కుక్కంటే విశ్వాసానికి మారుపేరు.. అందుకే చాలా మంది కుక్కను జంతువులాగా చూడరు.. ఇంట్లో మనిషిలాగే చూసుకుంటారు.. దానికి ఏమైన కష్టం వస్తే అల్లాడిపోతారు. ఇక అది చనిపోతే మాత్రం చాలా బాధపడతారు. ఇంట్లో ఓ మనిషి ఇక లేడన్నట్లుగానే ఫీల్ అవుతుంటారు. అలాగే ఇక్కడ కుక్కపై ఉన్న ప్రేమను ఓ యజమాని వినూత్నంగా తెలిపాడు. ఏకంగా కక్కకు విగ్రహం పెట్టి వర్ధంతి కార్యక్రమాలు నిర్వహిస్తున్నాడు. 

కృష్ణా జిల్లా బాపులపాడు మండలం అంపాపురంకు చెందిన సుంకర జ్ఞానప్రకాశరావు అనే వ్యక్తి ఓ కుక్కను పెంచుకున్నాడు. దానికి ముద్దుగా శునకరాజు అనే పేరు కూడా పెట్టుకున్నాడు.  ఇంట్లో చాలా సంవత్సరాల నుంచి పెంచుకున్న కుక్క అనుకోకుండా చనిపోయింది. గత ఐదేళ్ల క్రితం ఈ పెంపుడు కుక్క శునకరాజు చనిపోయింది. దీంతో అతడు చాలా బాధపడ్డాడు. 

ఆ బాధను తట్టుకోలేక ఐదు సంవత్సరాల నుంచి శునకరాజుకు వర్ధంతి కార్యక్రమాలు నిర్వహిస్తున్నాడు. ఇక ఐదో వర్ధంతి సందర్భంగా శునకరాజు కాంస్య విగ్రహాన్ని ఏర్పాటు చేసి, శాస్త్రీయబద్ధంగా కుక్క ఆత్మకు శాంతి కలగాలని పండితుల చేత ప్రత్యేక పూజలు నిర్వహించారు. ఆ తర్వాత స్థానికులకు విందు భోజనాలు కూడా ఏర్పాటు చేశాడు.  

 

 

Previous articleభర్త వీర్యం కావాలని కోర్టుకెక్కిన భార్య.. వీర్యం సేకరించిన కొద్ది గంటల్లో భర్త మృతి..!
Next articleవింత వ్యాధితో బాధపడుతున్న బాలుడు.. పసుపు పచ్చగా మారిన నాలుక..!

LEAVE A REPLY

Please enter your comment!
Please enter your name here