కోతి నుంచి మనిషి పరిణామం చెందినట్లు చెబుతుంటారు. అప్పట్లో మనుషులకు తోకలు ఉండేవని, కాలక్రమేణా మార్పుల మూలంగా తోక లేకుండా పోయిందని పరిశోధకులు అంటుంటారు. రామాయణంలో కూడా హనుమంతుడు తోకతో ఉంటాడు.. అయితే తాజాగా బ్రెజిల్ లో ఓ వింత ఘటన చోటుచేసుకుంది. ఓ బాలుడు తోకతో పుట్టాడు..ఆ తోక 12 సెం.మీ పొడువు ఉంది. తోక చివర ఒక బంతి ఆకారం కూడా ఉంది..
ఫోర్టలేజాలోని ఆల్బర్ట్ సబిన్ చిల్డ్రన్ హాస్పిటల్ లో ఈ శిశువు జన్మించింది. ఆ సమయంలో తోక 12 సెం.మీ వరకు పెరిగి 4 సెం.మీ వ్యాసం కలిగిన బంతిని కలిగి ఉన్నట్లు మెడికల్ జర్నల్ తన నివేదికలో వెల్లడించింది. డాక్టర్లు శస్త్ర చికిత్స చేసి ఆ తోకను తొలగించారు. అయితే జన్యుపరమైన లోపాల కారణంగా పిల్లలు ఈ విధంగా పుడుతుంటారని వైద్యులు చెబుతున్నారు. ఇలాంటి అరుదైన కేసులు సుమారు 40 వరకు చూశామని చెప్పారు.