యూపీలోని మౌలో సరయూ నదిలో ఒకటిన్నర అడుగుల ఎత్తున్న 53 కిలోల వెండి శివలింగం లభ్యమైంది. శివభక్తులు శివలింగాన్ని ఆలయానికి తీసుకొచ్చి రుద్రాభిషేకం నిర్వహించారు. సమాచారం అందుకున్న పోలీసులు ప్రస్తుతం శివలింగాన్ని తమ ఆధీనంలోకి తీసుకున్నారు.
సావన్ మాసంలో, యుపిలోని మౌ జిల్లా గుండా వెళుతున్న సరయూ నదిలో 53 కిలోల వెండి శివలింగం లభ్యమైంది. శివలింగం లభించిందన్న సమాచారంతో భక్తులు పూజలు చేయడం ప్రారంభించారు. వెండి శివలింగం దొరకడాన్ని ప్రజలు అద్భుతంగా భావిస్తున్నారు. ఆలయానికి శివలింగాన్ని తీసుకొచ్చి రుద్రాభిషేకం చేశారు. దీంతో పోలీసులు శివలింగాన్ని తమ ఆధీనంలోకి తీసుకున్నారు.ఈ విషయాన్ని మౌ ఎస్పీ అవినాష్ పాండే కూడా ధృవీకరించారు.
53 కిలోల వెండి శివలింగం దొరికింది
సమాచారం ప్రకారం.. దోహ్రీఘాట్ పట్టణంలో నివాసముండే రామ్‌మిలన్ నిషాద్ ఉదయం సరయూ నదిలో స్నానం చేస్తున్నాడు.పూజ కుండ కడుగుతుండగా నదిలో రామ్ మిలన్ చేతికి శివలింగం తాకింది. ఎంతో బరువుగా ఉండటంతో మరొకరి సాయంతో ఈ శివలింగాన్ని బయటకు తీశారు. ఆ తర్వాత ఆ లింగాన్ని గ్రామంలోని ఆలయంలోకి తీసుకెళ్లి పూజలు, అభిషేకాలు చేశారు.