పవిత్ర రంజాన్ నెల రెండు మూడు రోజుల్లో ప్రాంరభం కానుంది. కరోనా మహమ్మారి కారణంగా రంజాన్ నెలను ముస్లింలు ఇళ్లలోనే ప్రార్థనలు చేసుకోవాలని ఏపీ ప్రభుత్వం ఆదేశించింది. ఈ నేపథ్యంలో ముస్లిం ప్రజలకు ఇబ్బందులు లేకుండా ఏపీ ప్రభుత్వం కొన్ని వెసులుబాటు కల్పించినట్లు ఏపీ వక్ఫ్ బోర్డ్ ప్రకటించింది.
వెసులుబాటు కల్పించిన అంశాలు..
- 24×7 విద్యుత్ సరఫరాకు అంతరాయం లేకుండా ఉంటుంది.
- ఎటువంటి తాగునీటి సమస్య లేకుండా ప్రభుత్వం చూస్తుంది.
- కూరగాయలు, పండ్లు, మిగతా అన్ని నిత్యవసర సరుకులు ఉదయం 10 గంటల వరకు అందుబాటులో ఉంటాయి.
- సాయంత్రం ఇఫ్తార్ సమయానికి పండ్ల ఫలాలు,డ్రై ఫ్రూట్స్ అమ్మేందుకు అనుమతి.
- సామాజిక దూరం పాటిస్తూ ఉదయం 3 – 4.30 గంటల వరకు మరియు సాయంత్రం 5.30 – 6.30 గంటల వరకు దాతలు ఎవరైనా పేదలకు దానం చేయవచ్చు.
- మీ నగరాలలో కొన్ని హోటల్స్ ను గుర్తించి సహరి ఇఫ్తార్ సమయాలలో మాత్రమే భోజనం మరియు ఇతర తినబండారాలు అందుబాటులో ఉండే విధంగా చూస్తుంది.
- క్వారన్ టైన్ లో ఉన్న ముస్లిం లకు సహరి మరియు ఇఫ్తార్ సమయంలో వ్యాధి నిరోధక శక్తి మరియు సామర్ధ్యాన్ని పెంచే ఆహారాన్ని ప్రభుత్వమే అందిస్తుంది.
- ఇమామ్ మరియు మౌజన్ లకు 5 పూటలా నమాజులు చదివించి మస్జీద్ నుండి ఇంటికి మరియు ఇంటి నుండి మస్జీద్ కి వెళ్లే వెసులుబాటుకు ప్రభుత్వం అనుమతి ఇచ్చింది.
- పైన ఉన్న ప్రభుత్వ సూచనలను ప్రతి మస్జీద్ లో బ్యానర్ రూపంలో ప్రదర్శించాలని ప్రభుత్వం కోరింది.