ప్రకాశం జిల్లాలో దారుణం వెలుగుచూసింది..ఓ ఇంటర్ విద్యార్థినికి కూల్ డ్రింక్ లో మత్తు మందు కలిపి తాగించి.. ఆమె నగ్న చిత్రాలను సెల్ ఫోన్ లో చిత్రీకరించాడు.. ఆ ఫొటోలను తన స్నేహితుడికి పంపించాడు. సదరు స్నేహితుడు వాటిని సోషల్ మీడియాలో పోస్ట్ చేశాడు.. ఈ ఘటనపై ఫిర్యాదు అందడంతో పోలీసులు ఇద్దరిని అరెస్ట్ చేశారు..
వివరాల మేరకు.. పెద్ద దోర్నాల మండలంలోని ఓ గ్రామానికి చెందిన దూదేకుల నాగూర్ మీరావలి(19) డిప్లొమా చదువుతున్నాడు. ఇటీవల మార్కాపురంలో అతడికి తెలిసిన ఇంటర్ విద్యార్థిని ఎదురైంది.. స్నేహితురాలి పుట్టినరోజు వేడుకలకు వచ్చినట్లు చెప్పింది. ఇద్దరికి పరిచయం ఉండటంతో మాటలు కలిపిన మీరావలి.. కూల్ డ్రింక్ తాగుదామని ఆమెను తీసుకెళ్లాడు..
ఆ కూల్ డ్రింక్ లో మత్తుమందు కలిపి ఆ విద్యార్థినికి ఇచ్చాడు. అది తాగిన విద్యార్థిని స్పృహ తప్పి పడిపోయింది. తర్వాత ఆ యుకుకుడు ఆమెను వివస్త్రను చేసి.. తన సెల్ ఫోన్ లో నగ్న చిత్రాలను చిత్రీకరించాడు. ఆ ఫొటోలను తన స్నేహితుడు రసూల్(22)కి పంపించాడు. రసూల్ ఆ ఫొటోలను సోషల్ మీడియాలో పోస్ట్ చేశాడు.
దీంతో ఆ ఫొటోలు వైరల్ అయ్యాయి. విద్యార్థిని తల్లిదండ్రులు, గ్రామస్థులు బుధవారం రాత్రి పెద్ద దోర్నాల పోలీస్ స్టేషన్ లో ఫిర్యాదు చేశారు. దీంతో కేసు నమోదు చేసుకున్న పోలీసులు మీరావలి, రసూల్ ని అరెస్ట్ చేశారు. ఇద్దరిని విచారిస్తున్నట్లు పోలీసులు తెలిపారు.