మెగాస్టార్ చిరంజీవి బర్త్ డే సందర్భంగా ఆయన 152వ సినిమా ఫస్ట్ లుక్ ను వచ్చేసింది. కొరటాల శివ దర్శకత్వం వహిస్తున్న ‘ఆచార్య’ సినిమాకు సంబంధించిన ఫస్ట్ లుక్ మోషన్ పోస్టర్ ను చిత్ర యూనిట్ విడుదల చేసింది. ఈ సినిమాను కొణిదెల ప్రొడక్షన్ కంపెనీ, మ్యాట్నీ ఎంటర్ టైన్మెంట్ పతాకాలపై నిరంజన్ రెడ్డి, రామ్ చరణ్ సంయుక్తంగా నిర్మిస్తున్నారు.
ఇందులో రామ్ చరణ్ కీలక పాత్రలో కనిపించనున్నారు. హీరోయిన్ గా కాజల్ నటిస్తుండగా..మణిశర్మ సంగీతం అందిస్తున్నారు. ఇక ఈ మోషన్ పోస్టర్ లో చిరంజీవి ధర్మస్థలి అనే ప్రాంతంలో దుండగులను అంతం చేసి వీరుడిలా కత్తిపట్టుకుని నిలబడి ఉన్నారు. ఈ చిత్రాన్ని 2021 వేసవిలో విడుదల చేయనున్నట్లు ప్రకటించారు.