నందమూరి కల్యాణ్ రామ్ సరికొత్త పాత్రలో కనిపించబోతున్నారు. ఎన్టీఆర్ జయంతి సందర్భంగా శుక్రవారం తన కొత్త సినిమా టైటిల్ ని ప్రకటించారు. ఈ సినిమా టైటిల్ లుక్ మోషన్ పోస్టర్ ను సినిమా యూనిట్ విడుదల చేసింది. ఇందులో కల్యాణ్ రామ్ లుక్, బ్యాక్ డ్రాప్ అన్ని సరికొత్తగా ఉన్నాయి. బాహుబలి లెవల్ లో శత్రు సంహారం చేసిన యోధుడిలా ఇందులో కనిపిస్తున్నాడు. ఈ చిత్రాన్ని కొత్త దర్శకుడు విశిష్ట్ రూపొందిస్తున్నారు. ఈ సినిమాలో కేథరిన్ టెస్రా, సంయుక్త మీనన్ హీరోయిన్లుగా నటిస్తున్నారు.
ఎవరీ బింబిసారుడు?
బింబిసార.. కళ్యణ్ రామ్ హీరోగా వస్తున్న సినిమా.. చారిత్రక చిత్రం కావడంతో ఈ బింబిసారుడు ఎవరా అన్న అసక్తి అందరిలోనూ నెలకొంది. మగధ సామ్రాజ్యంలోని హర్యంకా రాజవంశ రాజు బింబిసారుడు.. క్రీ.పూ 558లో జన్మించాడు. 15 ఏళ్ల వయస్సులోనే సింహాసనాన్ని అధిష్టించాడు. బింబిసారడుకు 500 మంది భార్యలు ఉన్నట్లు చరిత్ర చెబుతోంది.. బింబిసారుడు బుద్ధుడి సమకాలికుడు..