టోక్యో ఒలింపిక్స్ తో భారత హాకీ జట్టు చరిత్ర సృష్టించింది. క్వార్టర్ ఫైనల్ లో మూడు సార్లు ఒలింపిక్స్ విజేతలైన బలమైన ఆస్ట్రేలియా జట్టుపై గెలిచి సెమీస్ లో అడుగుపెట్టింది. ఆస్ట్రేలియాను ఏ దశలోనూ కోలుకోకుండా దెబ్బకొట్టింది. సమిష్టిగా రాణించడంతో గెలుపు భారత్ సొంతమైంది.
భారత మహిళల హాకీ జట్టు 41 ఏళ్ల తర్వాత తొలిసారి క్వార్టర్స్ ఫైనల్ కు చేరి అంచనాలను పెంచింది. ఆ అంచనాలను నిజం చేస్తూ సగర్వంగా సెమీస్ లో అడుగుపెట్టింది. 1980 మాస్కో ఒలింపిక్స్ తర్వాత భారత్ అత్యుత్తమ ప్రదర్శన కనబరిచి ఒలింపిక్స్ లో తొలిసారిగా సెమీస్ చేరింది.
ఈ మ్యాచ్ లో భారత మహిళల జట్టు ఆస్ట్రేలియాపై 1-0 తేడాతో గెలిచింది. భారత్ తరఫున గుర్జీత్ కౌర్ గోల్ చేసి భారత్ కు తొలి పాయింట్ అందించింది. ఆ తర్వాత మ్యాచ్ హోరాహోరీగా సాగింది. బలమైన ఆస్ట్రేలియాను ఒక్క గోల్ కూడా చేయనీయకుండా భారత మహిళలు అడ్డుకున్నారు. ఇక గ్రూప్-ఏలో మొత్తం 5 మ్యాచ్ లు ఆడిన భారత్ 2 మ్యాచ్ లలో గెలిచి, 3 మ్యాచుల్లో ఓటమిపాలైంది.