అత్తా కోడళ్లు అంటేనే కలహాలు, విబేధాలు గుర్తకొస్తాయి. ఇక టీవీ సీరియల్స్ లో అయితే అత్తాకోడళ్లు అంటే బద్ధశత్రువులుగా చూపిస్తారు. కానీ అత్తను కూడా తల్లిగా భావించే కోడళ్లు చాలా మంది ఉన్నారు. పశ్చిమగోదావరి జిల్లాలో ఓ కోడలు తన అత్తపై చూపిన ప్రేమకు అందరరూ ఫిదా అవుతున్నారు. అత్త పుట్టిన రోజు నాడు ఎవరూ ఊహించని సర్ ప్రైజ్ ఇచ్చింది.
పశ్చిమ గోదావరి జిల్లాకు చెందిన ఓ కోడలు తన అత్తగారి 60వ పుట్టినరోజు సందర్భంగా ఏకంగా 60 రకలా వంటకాలను తయారు చేసింది. అన్ని రకాల వెరైటీలు మెనూలో చేర్చింది. వంటకాలను డబ్బాల్లో నింపి వాటిపై ఆ వంటకం పేరు రాసి పెట్టింది. వీటిలో పులిహోర నుంచి మ్యాగీ నూడిల్స్ వరకు అన్ని రకాల వంటలు ఉన్నాయి. వీటన్నింటినీ వీడియో తీసి సోషల్ మీడియాలో పోస్టు చేయగా అది వైరల్ అయింది. అత్తపై కోడిలి ప్రేమకు నెటిజన్లు ఫిదా అవుతున్నారు.