విజయనగరం జిల్లాలో వాలంటీర్ అత్యుత్సాహం ప్రదర్శించాడు. ఏకంగా చనిపోయిన మహిళకు పింఛన్ అందించాడు. జిల్లాలోని గుర్ల మండలం గుర్ల గ్రామంలో ఇజ్జిరోతు త్రీనాథ్ అనే వ్యక్తి వాలంటీర్ గా పనిచేస్తున్నాడు. గ్రామంలో ఎర్ర నారాయణ అనే మహిళ మరణించింది.
అయితే ఆ వాలంటీర్ చనిపోయిన మహిళ దగ్గర వేలిముద్ర తీసుకుని ఆమెకు పింఛన్ పంపిణీ చేశాడు. కాగా ఈ ఘటనపై జిల్లా డీఆర్డీఏ పీడీ సుబ్బారావు స్పందించారు. ఒక వ్యక్తి చనిపోయిన తర్వాత వారి వేలిముద్రలు పనిచేయవని తెలిపారు. ఘటనపై విచారణకు ఆదేశించారు.