బాహుబలి, సాహోతో ప్రభాస్ రేంజ్ పెరిగిపోయింది. ఈ సారి ప్రభాస్ ప్రయోగంతో ముందుకు వస్తున్నాడా? అంటే అవుననే తాజా సమాచారం. ప్రభాస్ 21వ సినిమా సైన్స్ ఫిక్షన్ మూవీ అని తెలుస్తోంది. దీనికి నాగ్ అశ్విన్ దర్శకత్వం వహించనున్నారు. ఈ చిత్రాన్ని ప్రముఖ నిర్మాత అశ్వినీదత్ నిర్మించనున్నారు. ఈ సినిమాని యువి క్రియేషన్స్ సంస్థ పాన్ ఇండియా కేటగిరీలోనే తెరకెక్కిస్తోంది. ఈ సినిమాకి సంబంధించిన లీకులు అంతకంతకు వేడిక్కిస్తున్నాయి. తాజాగా ఓ ఈవెంట్లో దర్శకుడు నాగ్ అశ్విన్ స్వయంగా ప్రభాస్ 21 వివరాలు అందించారు. ఈసారి ప్రభాస్ ఓ సైన్స్ ఫిక్షన్ కథాంశంలో నటిస్తున్నారు. సైన్స్ ఫిక్షన్ కథాంశమే అయినా రియలిస్టిక్ గా ఉంటుంది. దాదాపు 200 కోట్ల బడ్జెట్ ని ఖర్చు చేయనున్నామని నాగ్ అశ్విన్ తెలిపారు. ఈ సినిమాకు కథానాయికా ఎవరన్నది ఇంకా ఫైనల్ కాలేదు. చిత్రీకరణకు ముందు నటీనటుల వివరాలు వెల్లడిస్తాం అని వెల్లడించారు.
అయితే ప్రస్తుతం ప్రభాస్ ‘జిల్’ ఫేమ్ రాధాక్రిష్ణ డైరెక్షన్ లో ఓ పీరియాడికల్ లవ్ స్టోరీలో నగిస్తున్నాడు. ఈ సినిమాకు ‘రాధేశ్యామ్’, ‘ఓ డియర్’ అనే టైటిళ్లు పరిశీలనలో ఉన్నాయి. కాకపోతే మూవీ షూటింగ్ పదే, పదే వాయిదా పడటం..డార్లింగ్ ఫ్యాన్స్ కు కోపం తెప్పిస్తోంది. అదీ కాక రిలీజైన ప్రీ లుక్ కూడా అభిమానులకు పూర్తి స్థాయిలో సంతృప్తి పరచలేదు.