ఏప్రిల్ 17న నాగార్జున సాగర్ నియోజకవర్గంలో ఉప ఎన్నికలు జరగనున్నాయి. ఈనేపథ్యంలో నియోజకవర్గం పరిధిలోని రెండు ఆవాస గ్రామాలు రాజకీయ నేతలు తమ గ్రామాలకు రావొద్దని ఫ్లెక్సీలు ఏర్పాటు చేశారు. నల్లగొండ జిల్లా నిడమనూరు మండలంలోని గగ్గినపల్లివారిగూడెం, కమ్మరిగూడెం ప్రజలు ఈ ఫ్లెక్సీలు పెట్టారు.
ఈ గ్రామాలు వేంపాడ్ గ్రామపంచాయతీ పరిధిలో ఉన్నాయి. వేంపాడ్ ప్రధాన రహదారి వెంటక ఆదివారం ఈ ఫ్లెక్సీలు ఏర్పాటు చేశారు. ‘మా గ్రామాలు అభివృద్ధికి నోచుకోలేదు.. మా గ్రామంలోకి ఏ రాజకీయ నాయకునికి అనుమతి లేదు. ఓట్ల కోసం మా ఊరికి రావొద్దు’ అంటూ ఫ్లెక్సీలు పెట్టి నిరసన తెలిపారు. ఈ గ్రామాలు ఉప ఎన్నిక జరుగనున్న నాగార్జున సాగర్ నియోజకవర్గం పరిధిలో ఉండటంతో గ్రామస్తుల నిరసనకు ప్రాధాన్యం ఏర్పడింది.