బరువు పెరగడం అనేది ఈరోజుల్లో చాలా మందికి సమస్యగా మారింది. అధిక బరువు వల్ల అనేక రకాల వ్యాధులకు గురయ్యే అవకాశం ఉంటుంది. అంతేకాదు అధిక బరువు వల్ల అందంగా కూడా కనిపించరు. బరువు తగ్గడానికి రకరకాల పద్ధతులను పాటిస్తుంటారు. కొందరు డైట్ పాటిస్తే.. మరికొందరు గంటల తరబడి జిమ్ లో వర్కవుట్స్ చేస్తుంటారు.
అయితే ఈ వేసవిలో మీ బరువు తగ్గించుకోవడానికి ఒక అద్భుతమై డ్రింక్ ని పరిచయం చేయబోతున్నాము.. అదే చెరుకు రసం.. వేసవిలో బరువు తగ్గడానికి ఇది బాగా ఉపయోగపడుతుంది. చెరకు రసంలో ఉండే కార్బోహైడ్రేట్ శరీరానికి శక్తినిస్తాయి. ఇందులో డైటరీ ఫైబర్ పుష్కలంగా ఉంటుంది. చెరకు రసాన్ని ఖాళీ కడుపుతో తాగితే బరువు వేగంగా తగ్గవచ్చు.
చెరకు రసం వేసవిలో శరీరానికి శక్తిని అందించడంతో పాటు శరీరాన్ని హైడ్రేట్ గా ఉంచుతుంది. చెరకు రసంలో కాల్షియం, పొటాషియం, ఐరన్, మెగ్నీషియం మరియు ఫాస్పరస్ వంటి ఖనిజాలు ఉంటాయి. ఇవి శరీరాన్ని ఆరోగ్యంగా ఉంచుతాయి. ఇది రోగనిరోధక శక్తిని పెంచుతుంది. ఇది రుచిలో తీయ్యగా ఉన్నప్పటికీ.. కేలరీలు తక్కువగానే ఉంటాయి. దీని వల్ల బరువు నియంత్రణలో ఉంటుంది.
చెరకు రసం తాగడం వల్ల ఆరోగ్య ప్రయోజనాలు:
- బరువు తగ్గడానికి చెరకు రసం బెస్ట్ డ్రింక్ అని చెప్పొచ్చు. ఇందులో ఫైబర్ పుష్కలంగా ఉంటుంది. చెరుకు రసం తీసుకోవడం వల్ల పొట్ట శుభ్రంగా ఉంచి, జీవిక్రియను పెంచి, బరువు తగ్గడంలో సహాయపడుతుంది.
- చెరకు రసం డీహైడ్రేషన్ ని తగ్గించడమే కాకుండా శరీరానికి తక్షణ శక్తిని అందిస్తుంది. దీనిని తీసుకోవడం వల్ల శరీరంలో అంతర్గత ఉష్ణోగ్రత తగ్గి శరీరం చల్లగా ఉంటుంది. చెరకు రసంలో ఉండే చక్కెరను శరీరం సులభంగా గ్రహిస్తుంది.
- చెరకు రసం రోగనిరోధక శక్తిని బలపరుస్తుంది. ఇందులో ఉండే యాంటీ ఆక్సిడెంట్లు మరియు ఫోటో ప్రొటెక్టివ్ ఎలిమెంట్స్ రోగనరోధక శక్తిని బలోపేతం చేస్తాయి. వేసవిలో దీని వినియోగం వల్ల వైరల్ ఇన్ఫెక్షన్ల నుంచి రక్షిస్తుంది.
- చెరకు రసం కాలేయం యొక్క పనితీరును మెరుగుపరుస్తుంది. కామెర్లు ఉన్న వారు చెరకు రసం తాగడం మంచిది.
నోట్: ఈ సమాచారం కొన్ని చిట్కాల నుంచి గ్రహించబడింది. దీనిని పాటించే ముందు నిపుణులను సంప్రదించడం మంచిది..