ఆంధ్రప్రదేశ్ లో ఏసీబీ అధికారులు అవినీతి అధికారుల భరతం పడుతున్నారు. బాధితుల నుంచి ఫిర్యాదులు రావడంతో రంగంలో దిగి దాడులు చేస్తున్నారు. కర్నూలు మున్సిపల్ కార్పొరేషన్ లో గురువారం ఏసీబీ అధికారులు దాడులు నిర్వహించారు. ఈ దాడిలో నగరపాలక సంస్థ సూపరింటెండెంట్ ఇంజినీర్ సురేంద్ర బాబు రూ.15 లక్షలు లంచం తీసుకుంటూ దొరికిపోయాడు.
ఓ కాంట్రాక్టర్ చేపట్టిన రూ.1.15 కోట్ల బిల్లుల మంజూరుకు ఎస్ఈ రూ.15 లక్షలు డిమాండ్ చేశాడు. ఈ విషయమైన ఏసీబీ అధికారులకు కాంట్రాక్టర్ సమాచారం ఇచ్చాడు. కాంట్రాక్టర్ నుంచి రూ.15 లక్షలు లంచం తీసుకుంటున్న సమయంలో ఏసీబీ అధికారులు రెడ్ హ్యాండెడ్ గా పట్టుకున్నారు. అతడి కార్యాలయంలో సోదాలు నిర్వహిస్తున్నారు. అతడిపై కేసు నమోదు చేసి విచారిస్తున్నారు.