‘పుష్ప’ సినిమాలో సమంత చేసిన స్పెషల్ సాంగ్ ‘ఊ అంటావా మావా.. ఊఊ అంటావా మావా’.. ప్రస్తుతం ట్రెండింగ్ లో ఉంది. విడుదలైన కొద్ది సమయంలోనే మిలియన్ల వ్యూస్ తో దూసుకుపోతుంది. అయితే ఈ సాంగ్ ఇప్పుడు వివాదాస్పంగా మారింది.
‘మీ మగబుద్ధే వంకరబుద్ధి’ అంటూ సాగిన ఈ పాట లిరిక్స్ పై అభ్యంతరాలు వ్యక్తమవుతున్నాయి. ఈ సాంగ్ పై ఆంధ్రప్రదేశ్ లోని పురుషుల సంఘం కేసు వేసింది. పుష్ప టీంతో పాటు పాటలో నర్తించిన సమంతపై కూడా పురుషుల సంఘం ఫిర్యాదు చేసింది. మగవాళ్లు కేవలం కామంతోనే ఉంటారన్న అర్థం వచ్చేలా ఆ పాట ఉందని, ఆ పాటలో పదాలతో అలాంటి భావమే వస్తోందని ఆ సంఘం ఫిర్యాదులో పేర్కొంది. పాటను నిషేధించాలని ఏపీ హైకోర్టును ఆశ్రయించింది.
ఇక ఈ పాటలో సమంత గ్లామర్, చంద్రబోస్ లిరిక్స్ ఒక వైపైతే.. సింగర్ ఇంద్రావతి చౌహాన్ తన మత్తు వాయిస్ తో వేరే లెవెక్ కి తీసుకెళ్లింది. ఈ పాటపై ఊహాగానాలు హై రేంట్ లో ఉన్నాయి. ఈ పాట థియేటర్స్ లో వేరే లెవెల్ లో ఉంటుందని ప్రీ రిలీజ్ ఈవెంట్ లో పుష్ప టీం చెప్పింది. ఇక సమంత కూడా ఫస్ట్ టైం ఐటెం సాంగ్ చేస్తుండటంతో ఈ పాటపై అంచనాలు భారీగా ఉన్నాయి. డిసెంబర్ 17న ఈ సినిమా విడుదల కానుంది.