ఉత్తర ప్రదేశ్ కు చెందిన మోస్ట్ వాంటెడ్ గ్యాంగ్ స్టర్ వికాస్ దుబే శుక్రవారం పోలీస్ ఎన్ కౌంటర్ లో మృతి చెందాడు. గురువారం ఉదయం ఉజ్జయినిలోని మహాకల్ ఆలయం బయట వికాస్ దుబే పట్టుబడ్డాడు. వికాస్ దుబే ఉత్తరప్రదేశ్ లో 8 మంది పోలీసులను కాల్చేసిన ఘటనలో ప్రధాన నిందితుడు. దుబేను ఉజ్జయిని నుంచి కాన్పూర్ కు కారులో తరలిస్తుండగా..వాహనం బోల్తా పడింది. దీనిని అదునుగా తీసుకున్న వికాస్ దుబే పారిపోవడానికి ప్రయత్నించాడు. ఈ క్రమంలో పోలీసులు జరిపిన కాాల్పుల్లో అతడు మరణించాడు. వికాస్ దుబేను పట్టుకునే ప్రయత్నంలో ఇద్దరు పోలీసులకు కూడా గాయాలైనట్లు తెలిసింది.
