ఉత్తరప్రదేశ్ లో ఇటీవల విచిత్ర వివాహం జరిగింది. నలుగురిలో లేచిపోయిన యువతికి లక్కీ డ్రా తీసి ఒకరిని పెళ్లి చేశారు. ఏం జరిగిందంటే.. యూపీలో రాంపూర్ జిల్లాలోని అజీమ్ నగర్ పోలీస్ స్టేషన్ పరిధిలో ఓ యువతిని నలుగురు యువకులు ప్రేమించారు. ఆ యువతి కూడా ఎవరినీ కాదనకుండా నలుగురిని ప్రేమించింది.
తర్వాత ఆ యువతి నలుగురితో లేచిపోయింది. ఎలాగోలా వారి ఆచూకి కనుక్కోని వారిని గ్రామానికి తీసుకొచ్చారు. అమ్మాయి తండ్రి వారిపై పోలీసులకు ఫిర్యాదు చేయడానికి సిద్ధమయ్యాడు. అయితే గ్రామస్థులు రంగ ప్రవేశం చేసి ఎత్తుకెళ్లిన అబ్బాయిల్లో ఒకరితో ఆ అమ్మాయి పెళ్లి చేద్దామని ఒప్పించారు.
ఇక్కడే అసలు ట్వీస్టు ఉంది. గ్రామ పెద్దలు నలుగురు అబ్బాయిల్లో ఎవరంటే ఇష్టమని అమ్మాయిని అడిగారు. దీనికి అమ్మాయి ఏ మాత్రం తడుముకోకుండా నలుగుతూ ఇష్టమే అని చెప్పింది. ఆ తర్వాత పెద్దలు నలుగురు అబ్బాయిలను పిలిచి, మీలో ఒకరిని నిర్ణయిస్తే అతనికి పెళ్లి చేస్తామని చెప్పారు.
ఆ నలుగురు యువకులు దానికి ఒప్పుకోలేదు. దీంతో గ్రామ పెద్దలు తలలు పట్టుకున్నారు. ఆ తర్వాత ఆలోచించి వారి పెళ్లి చేసేందుకు ఓ కొత్త మార్గాన్ని ఎంచుకున్నారు. నలుగురు యువకుల పేర్లు రాసి లక్కీ డ్రా వేశారు. లక్కీ డ్రాలో విజేతగా నలిచిన వారికి ఆ అమ్మాయికి పెళ్లి చేశారు.