ఎంచక్కా తనను తాను పెళ్లి చేసుకుని.. హనీమూన్ కి కూడా ప్లాన్ చేసింది గుజరాత్ లోని వడోదల యువతి.. ‘సోలోగమీ’ పేరుతో పిలిచే ఈ పెళ్లితో సోషల్ మీడియాలో ఒక్కసారిగా పాపులర్ అయ్యింది. అయితే ఈ యువతికి వివాహం జరగకముందే షాక్ తగిలింది.. ఆమె వివాహాన్ని అడ్డుకుంటామని బీజేపీ ప్రకటించింది.
వడోదరకు చెందిన క్షమ బిందు అనే 24 ఏళ్ల యువతి స్వీయ వివాహం చేసుకుంటున్నట్లు ప్రకటించుకుంది. సంప్రదాయపద్ధతిలో, బంధువులు, అతిథుల సమక్షమంలో ఈ పెళ్లి తంతు జరుగుతున్నట్లు చెప్పింది. ఒక్క వరుడు తప్ప ఈ పెళ్లిలో అన్ని ఉంటాయి. అంతేకాదు పెళ్లి తర్వాత రెండు వారాల పాటు గోవాకు హనీమూన్ ప్లాన్ కూడా వేసుకుంది..
ఈ వివాహం ప్రస్తుతం దేశవ్యాప్తంగా చర్చనీయాంశంగా మారింది. ఈనేపథ్యంలో ఆమె పెళ్లిని వడోదర మాజీ డిప్యూటీ మేయర్ సునీతా శుక్లా ఖండించారు. బిందు పెళ్లిని అడ్డుకుని తీరుతామని ప్రకటించారు. ఈ పెళ్లిని తాము వ్యతిరేకిస్తున్నామని, ఏ గుడిలోనూ పెళ్లి చేసుకోవడానికి ఆమెను అనుమతించమని స్పష్టం చేశారు. ఇలాంటి వివాహాలు హిందూ మతానికి, భారత సంప్రదాయానికి విరుద్ధమని అన్నారు.
Gujarat | I’m against the choice of venue, she’ll not be allowed to marry herself in any temple. Such marriages are against Hinduism. This will reduce the population of Hindus. If anything goes against religion then no law will prevail: BJP leader Sunita Shukla (03.06) https://t.co/Jf0y13WOiE pic.twitter.com/3Cus9JMwsR
— ANI (@ANI) June 4, 2022