కరోనా లాక్ డౌన్ నుంచి చాలా మంది ఉద్యోగులు వర్క్ ఫ్రం హోం చేస్తున్నారు. ఎలానో ఇంట్లోనే ఉంటున్నాం కదా అని.. కొంత మంది అయితే సెలవులు కూడా పెట్టుకోవడం లేదు. తాజా ఓ ఫొటో నెట్టింట్లో వైరల్ గా మారింది. ఓ వరుడు తన మొదటి రాత్రి రోజే కంప్యూటర్ తో కుస్తీ పడుతున్నాడు.
శోభనానికి అన్ని ఏర్పాట్లు చేసి ఉండి.. పెళ్లి కొడుకు కోసం ఆ వధువు ఎదురుచూస్తుంటే అతడు మాత్రం కంప్యూటర్ లో మునిగితేలుతున్నాడు. వివాహ దుస్తులతో కంప్యూటర్ ముందు కూర్చుని ఉన్న ఈ ఫొటో సోషల్ మీడియాలో వైరల్ అవుతోంది. ఈ ఫొటోపై ట్విట్టర్ లో నెటిజన్లు పలు రకాలుగా స్పందిస్తున్నారు.
ఈ ఫొటోను ‘హోల్డ్ ఆన్ బేబీ’ గా నెటిజన్లు పిలుస్తూ ఒక్కొక్కరు ఒక్కో క్యాప్షన్ ఇస్తున్నారు. ‘బేబీ కొద్ది సేపు ఆగు.. ముందు నన్ను ట్విట్టర్ నోటిఫికేషన్స్ చెక్ చేసుకోనివ్వు’ అంటూ కామెంట్లు పెడుతున్నారు. అయితే ఈ ఫొటో మాత్రం ఎక్కడి నుంచి వచ్చిదో తెలియరాలేదు.
“hold on babe, let me finish my shift” #WFH pic.twitter.com/6Z6gO5kIvI
— Diaper Don (@NamasteTrumpi) February 10, 2021