పంజాబ్ లోని నవాన్ షహర్ జిల్లాలో జాతీయ రహదారిపై దారుణం జరిగింది. డ్రైవర్ నిర్లక్ష్యానికి ముగ్గురు బలి అయ్యారు. దీనికి సంబంధించిన వీడియో సోషల్ మీడియాలో వైరల్ అవుతోంది.. బహ్రం పోలీస్ స్టేషన్ పరిధిలోని టీ పాయింట్ – మల్పూర్ రోడ్డులో 18 చక్రాల భారీ ట్రక్ మితిమీరిన వేగంతో వస్తూ.. అకస్మాత్తుగా మలుపు తీసుకుంది.
దీంతో ఆ ట్రక్కు ఒక్కసారిగా బ్యాలెన్స్ కోల్పోయి బోల్తా పడింది. అదే సమయంలో ఆ రహదారిపై రెండు వాహనాలు వస్తున్నాయి. అయితే ఒక కారు కొద్దిలో తప్పించుకుంది. మరో వాహనం ఈ ట్రక్ కింద పడి నుజ్జునుజ్జు అయ్యింది. ఈ ప్రమాదంలో ఒక జంట వారి కొడుకు అక్కడికక్కడే ప్రాణాలు కోల్పగా.. మరొకరికి తీవ్ర గాయాలయ్యాయి.
ఈ ఘటన మొత్తం అక్కడే ఉన్న సీసీ కెమెరాలో రికార్డ్ అయ్యింది. ప్రమాదం జరిగిన వెంటనే వారిని రక్షించేందుకు ఒక్కరు కూడా ముందుకు రాకపోవడం బాధాకరం.. ట్రక్ డ్రైవర్ మేజర్ సింగ్ తన ర్యాష్ డ్రైవింగ్ తో ఈ ప్రమాదానికి కారుకుడయ్యాడు. దీంతో పోలీసులు అతడిని అరెస్ట్ చేశారు. కేసు నమోదు చేసి దర్యాప్తు చేస్తున్నారు.
ਫਗਵਾੜਾ-ਬੰਗਾ ਸੜਕ ਤੇ ਬਹਿਰਾਮ ਦੇ ਕੋਲ ਦਰਦਨਾਕ ਹਾਦਸਾ, ਟਰਾਲੇ ਥੱਲੇ ਕਾਰ ਆਉਣ ਨਾਲ ਤਿੰਨ ਦੀ ਦਰਦਨਾਕ ਮੌਤ।🥺
Three people were killed in a road accident near Behram on Phagwara-Banga road. 🥺 #Punjab #indianroad #rip #AccidenteVial pic.twitter.com/Op7SfnC36P— ☬Proud To Be Sikh ☬ (@arshdeep_fan) September 12, 2022