ప్రపంచ కుబేరుడు, రిలయన్స్ ఇండస్ట్రీస్ చైర్మన్ ముకేశ్ అంబానీ సున్నా అంటే నమ్ముతారా? నమ్మరు కదూ.. కానీ అది నిజం.. ముకేశ్ అంబానీ వరుసగా రెండో సంవత్సరం ఒక్క రూపాయి కూడా జీతం తీసుకోలేదు.. ఈ మేరకు 2021-22 ఆర్థికి సంవత్సరానికి రిలయన్స్ తన వార్షిక నివేదిక విడుదల చేసింది. ఈ నివేదికల ఆయన వేతనాన్ని ‘సున్నా’గా చూపించింది.. మరీ ఆయన జీతం ఎందుకు తీసుకోకపోవడానికి కారణం ఏంటో ఇప్పుడు తెలుసుకుందాం..
కరోనా అందరి జీవితాలను అస్తవ్యస్తం చేసింది.. వ్యాపారాలు దెబ్బతిని ఆర్థిక వ్యవస్థ కుదేలైంది. ఈనేపథ్యంలో 2020-21 ఆర్థిక సంవత్సరంలో ముకేశ్ అంబానీ తన వార్షిక వేతనాన్ని స్వచ్ఛందంగా వదులుకున్నారు. దానిని 2021-22లోనూ కొనసాగించారు. ఈ రెండు సంవత్సరాల్లో అంబానీ ఎటువంటి అలెవెన్సులు, ముందస్తు ఖర్చులు, రిటైర్మెంట్ ప్రయోజనాలు, కమీషన్లు, స్టాక్ ఆప్షన్లను తీసుకోలేదు.. చివరిసారిగా 2019-20 ఆర్థిక సంవత్సారిని గానూ ఆయన రూ.15 కోట్ల వేతనం అందుకున్నారు.