షుగర్ బాధితులకు 3డి ప్రింటెడ్ చెప్పులు.. ఏం చేస్తాయంటే..!

డయాబెటీస్ బాధితుల కోసం కొత్త రకం చెప్పులు తయారు చేశారు. బెంగళూరులోని ఇండియన్ ఇన్ స్టిట్యూట్ ఆఫ్ సైన్స్ మెకానికల్ ఇంజనీరింగ్, కర్ణాటక ఇన్ స్టిట్యూట్ ఆఫ్ ఎండోక్రైనాలజీ అండ్ రీసెర్చ్ విభాగాల పరిశోధకులు ఈ వినూత్న చెప్పులను రూపొందించారు. 3డి ప్రింటెడ్ స్నాపింగ్ టెక్నాలజీతో ఈ పాదరక్షలను తయారు చేశారు. 

డయాబెటిస్‌ బాధితుల్లో కాళ్లకు గాయాలైతే త్వరగా మానవు. దీంతో ఇన్ఫెక్షన్ ఏర్పడి కాలు తొలగించే పరిస్థితి రావొచ్చు. ఇలాంటి వారి కోసం ఈ 3డీ ప్రింటెడ్‌ చెప్పులు ఉపశమనం కలిగిస్తాయని కేఐఈఆర్ పోడియాట్రి విభాగాధిపతి పవన్ బెలెహళ్లి సోమవారం వెల్లడించారు. కాలు ఎలాంటి ఆకృతిలో ఉన్న దానికి అనుగుణంగా మారిపోవడం వీటి ప్రత్యేకతని, నడకను బట్టి చెప్పులు వాటంతట అవే సరిచేసుకుంటాయని తెలిపారు. ఈ చెప్పులు ధరిస్తే కాళ్లకు గాయాలయ్యే అవకాశాలు చాలా తక్కువని, గాయాలైనా అవి త్వరగా మానిపోవడానికి ఉపయోగపడతాయని వివరించారు.

 

Leave a Comment